Зарабатывай от 1500 руб в день! В любое время и месте!

Начать зарабатывать

Чирмешәндә контракт буенча хезмәткә сайлап алу мобиль пункты ачылды

Чирмешән районында кичә өч бәйрәм Нефть һәм газ хезмәте хезмәткәрләре көне, Республика көне һәм Чирмешән авылы көне билгеләп үтелде. Шулай ук контракт буенча хәрби хезмәткә сайлап алу мобиль пункты ачылды.

Монда яшьләр Саклану министрлыгы белән контракт төзегән гражданнарга бер тапкыр бирелә торган нинди түләүләр һәм дәүләттән нинди ташламалар җыелмасы гарантияләнә икәнен аңлатты.Новости СМИ2 Теләүчеләр Калашников автоматын сүтә һәм җыя алды.

Чирмешән районы ир-атлары махсус хәрби операциядән читтә калмый һәм аларның күбесе хәрби хәрәкәтләрдә катнаша, контракт буенча хезмәт итүчеләр дә бар.

Муниципаль берәмлек районда контракт төзүчеләргә өстәмә рәвештә 150 мең сум түли.

Чирмешән районында контракт буенча хезмәткә җыю буенча агитация кампаниясе җайга салынган: администрациянең социаль челтәрләрендә һәм Интернетның башка ресурсларында игъланнар урнаштырылган. Оешма һәм учреждениеләрнең мәгълүмат стендларында күпсанлы плакатлар, листовкалар пәйда булды, алар күп фатирлы йортларның подъездларында да, төрле биналарга керү урыннарында да урнаштырылды. Аларның эчтәлеге даими рәвештә яңартыла.

Махсус мобиль төркем булдырылган, ул көн саен авыл җирлекләренә һәм район үзәге оешмаларына чыгып, халык белән очрашулар үткәрә. Шулай ук шәхси әңгәмәләр дә оештырыла.

Россиядәге кебек үк, чирмешәнлеләр гуманитар ярдәм җыюда да актив катнаша. Махсус хәрби операция зонасына 10 автомобиль, квадроцикл, 6 квадрокоптер, УАЗ автомобиленә резина, запас частьләр, автомобильләр өчен май һәм ягулык-майлау материаллары җибәрелде.

Шулай ук хәрбиләргә 7 бензин генераторы, бензобур, 10 бензин пычкысы, тепловизор, 80 рация, тактик рюкзак, катнаш ягулыктагы 73 мич-буржуйка, туристик газ плитәсе, газ баллоны, повербанк, генератор һәм башка бик күп әйберләр тапшырылды.

Моннан тыш, 40 кубометр такта җибәрелгән, җибәрү өчен тагын 20 кубометр әзерләнгән — барлыгы 16,5 млн сумлык 55,2 тонна азык-төлек һәм башка кирәкле әйберләр җыелган.

Районда гуманитар ярдәм җыю акциясе дәвам итә, җыю пункты итеп «Орион»яшьләр үзәге билгеләнде.

1 августтан Татарстанда Россия Саклану министрлыгы белән контракт төзегән гражданнар 1,7 млн сумга кадәр акча алырга мөмкин. Түләүләр күләменең артуы РФ Президентының хәрбиләргә 400 мең сум федераль түләү (элек – 195 мең) турындагы яңа карары белән бәйле, бу күрсәтелгән чорда махсус хәрби операция зонасында хезмәт итү өчен контракт төзүчеләргә кагыла.

Украинада махсус хәрби операция Россия Президенты Владимир Путин карары буенча 2022 елның 24 февраленнән уздырыла. Россия хакимияте аның куелган максатларга ирешүгә кадәр дәвам итәчәген берничә тапкыр белдерде. Алар арасында Россия иминлеген гарантияләүче шартлар булдыру да бар.

Россия Кораллы көчләре сафларында контракт буенча хезмәт итү, премияләр, ташламалар һәм түләүләр турында heroes-tatarstan.ru сайтында һәм 117 телефон номерына шалтыратып белергә була.

Моннан тыш, контракт (1 разряд) буенча хәрби хезмәткә сайлап алу пунктына мөрәҗәгать итәргә була: Казан, Аэропорт урамы, 1/40 йорт, тел.8843 221 44 52. Шулай ук 8800-222-59-00 номеры һәм 117 төбәкара кол-үзәк номеры буенча шалтыратырга мөмкин.

Материал Гөлсирә Шәрифуллина катнашында әзерләнде.